Imam al-Mahdi (a.s) dai yana da buya kala biyu:

 1- Karamar Buya (Ghaibat al-Sughra): Wannan buya ta kasance ne ta kimanin shekaru saba’in tun daga haihuwarsa shekara ta 255 hijiriyya ko kuma tun daga lokacin shahadar mahaifinsa shekara ta 260 hijiriyya har zuwa shekara ta 328 ko kuma 329 hijiriyya. A daidai wannan lokaci yana saduwa da mutane ne ta hanyar wakilansa na musamman guda hudu, wato bayan shahadar mahaifinsa kenan, su ne kuwa:

1-      Uthman bn Sa’id al-Umri al-Asadi.

2-      Muhammadu bn Uthman bn Sa’id al-Umri al-Asadi, wanda ya rasu a shekara ta 305 ko 304 hijiriyya.

3-      Al-Husain bn Ruh al-Nawbakhti, wanda ya rasu a shekara ta 320 hijiriyya.

4-      Aliyu bn Muhammadu al-Sammari, wanda ya rasu a shekara ta 328 ko kuma 329 hijiriyya.

2- Babbar Buya (Ghaibat al-Kubra): Ta fara ne daga rasuwar wakilin musamman na hudu, daga nan aka kawo karshen saduwar Imam da mutane ta hanyar wakilai, har zuwa lokacin bayyanarsa da aikata muhimmin aikin da aka dora masa.